送給自己的聖誕禮物...

Merry X'mas to myself.........

Rose the one..........

平安日with My family

24號平安日又係林家四個女人相聚的大好日子.......其實去邊玩根本唔重要，最緊要係一家人能夠聚在一起，一同分享節日的喜悅........


我與林Kai....個傻妹鼻竇炎呀都唔知....睇左醫生要快D好返呀...


阿爹娜與我.....


老媽與我....


兩小花與一大花......

K一K = 睡一睡

My X'mas Presents

Present這字可解作"禮物" or "現在".....今年我收到三份聖誕禮物來自我的好友和我最愛錫的親人，好多謝佢地的心意....我會好好享用這些禮物，將它運用在現在......好好活在當下!!!


Jill Stuart潔面及護膚系列From貝拉媽媽，多謝你呀虎媽....今日終於用左啦...好正呀!!


Pink Head Phone & QQ麵包話繩From棋棋，多謝你呀!!你咁忙都為我準備禮物!個head phone 播出黎d聲好好呀...仲有呀我好鍾意隻色呀...

紀念版我的美麗日記From林Kai，林Lok多謝你呀....你仲記得我鍾意呢個紀念版!!好感動呢>.<

祝所有朋友們&至愛的家人Merry X'mas!!願主的愛與你們同在，也與你的心靈同在!!

Half day off with 棋棋試妝

由於24號係公司假期，所以今日請左半日假陪棋棋去尖沙咀試妝........

試完妝之後去睇我件伴娘裙，就係呢件衫我同棋棋發生爭執....唉!!我相信係因為大家都想對方開心、為對方著想和個人的point of view，先會發生這場風波.....我只想同這位小學五年班已相識的好朋友講，我諗我地的關係不是建立在這一件微不足道的伴娘裙上，如果係的話就好像在沙上建立房子.....

我們的關係是建立在互相包容、坦誠、關心與信任.........我只想同你講我想開開心心睇住你出嫁呀!!因為唔係世上是但一個人嫁，係你呀棋棋...係你要出嫁^^係一位從小到大一齊成長的好朋友呀.........你明嗎??

X'mas Party My Office

22號公司攪X'mas Party........今次班阿姐整左好多野食加上公司又叫左好多到會，幾十人開餐都食唔曬............




公司唯一的聖誕裝飾......


我的坐位...........


本來今日做冬應該收3:30pm(前晚已經OT到9:30pm)可惜最終太忙都係要放6:00pm........睇黎要忙到過左CNY啦!!

出任陪審員通知書

今朝返Church之前發現有封政府公函寄比我，睇到下款係高等法院寄黎!!真係好驚呀!以為自己犯左法都唔知.....睇真D原來唔係，其實係高等法院通知我，我的名字將會加入陪審員名單內.......

原來在每一個聆訊曰，電腦會以隨機抽選的方式從陪審員名單中選出若干名人士，司法常務理官會向該等人士發出傳票，要求他們到庭接受遴選後出任陪審員。(附函內容)

Jo仔 & Damon的聖誕入伙Party...

今晚出席好友Jo仔 & Damon的聖誕入伙Party......好開心呀!!Jo仔同Damon終於新居入伙，雖然知道佢地之前裝修新居裝修既時候出現左小風波，但係最後問題都能夠順利解決!!而家間屋仲裝修得好靚好Warm，真可喜可賀!!恭喜^^恭喜^^


今晚仲見返好多Hyundai既舊同事呀!有Kit Kit(多謝佢今晚既照顧呀!!)、班長同佢先生阿軒、Shally同佢兩姪仔、Aman一家三口、Jo爸同Jo媽....最重要緊係今晚既男女主角Jo仔同Damon啦...

好多謝男女主人今晚熱情的招呼同豐富既美酒佳餚...仲有阿Jo你專登為我地預備既愛心Jelly呀....

同女主人影返張相先...

超級無敵大火雞......

今晚好開心^^盡慶而歸^^棉花糖係度祝Jo仔同Damon新居入伙愉快!!住得開開心心、健健康康!!!

與Karen媽媽Shopping@長沙灣批發廣場

Karen媽媽之前話帶棉花糖去長沙灣批發廣場Shopping........今朝一早11:00我地約係茘枝角地鐵站等.....起初仲諗住無咩好野...點知出事啦!!原來好多正野買架....


基本上果度係一個工廠購物中心...真係大開眼界呀....



真係人山人海呀...所以要早D去呀...我相信全港Boutique或零售有八成都係果到入貨....果到貨品包羅萬有: 衫、褲、大褸、鞋、手袋、飾品、童裝等等(基本上所有女裝都應有盡有...)，仲又多款又靚...


Karen同我都滿載而歸....

不過要BYOB，因為唔駛一袋二袋呀嗎!!

行完之後Karen帶我去茶餐廳食魚蛋粉....呢果係冬陰公魚片河..好味^^食完之後同Karen傾下計，分享下家庭、事業、宗教、感情等問題，無所不談.....就好似回到十年前大家係珍寶冷氣做野時既好時光.....好朋友真可以歷久彌新，所以朋友就好似紅酒一樣，愈舊愈醇.......

下午3:00同Karen係長沙灣分手之後，就返屋企點算一下戰利品....我買左三件衫、一條頸巾同一條頸鍊...其實未夠喉，所以決定26號林Kai&林Dee再去過.......

Andy's Birthday 12.12.2009@陳宅

今晚到貝拉家慶祝龍爺16號既Birthday............今次陳星仲第一次帶女朋友Shita黎見我地呀^^


Shita、貝拉 & 棉花糖........

送給龍爺的Birthday Cake.........

祝龍爺生日快樂!!!心想事成!!!