《迷失東京》

今晚明珠台重播《迷失東京》. 我又不禁坐定定睇. 我一直都好鍾意d套戲既感覺. 佢唔係一般奧斯卡電影既大製作. 無山, 無飛機, 無大炮, 無眼淚......佢只係一套淡淡既小品電影!拍得東京好寫實......睇完之後好似去左東京一轉 (雖然咁講有小小誇張, 但這是我的感覺)

《迷失東京》全片於東京及京都拍攝。故事由兩個身在東京既美國人開始，一個係中年過氣電視廣告明星Bob Harris(標梅利)，一個係嫁夫隨夫既新婚少婦Charlotte(絲嘉莉鍾安遜)，兩人身處異鄉，面對陌生既人和事，感到迷茫。二人同渡失眠夜，午夜徘徊時遇上，自此建立了一段微妙既友誼，在言語不通既國度內，同於東京冒險。

睇到男主角起初不太鍾意d個地方.....令我諗起我每一次去旅行既時候,起初心裡面總會投訴當地既天氣, 食物, 水(每一次都會令我肚痾), 酒店張床, 仲有人...總係會有d掛住香港!到住多幾日,當慢慢適應左之後......你就會覺得一切都變得順眼左...最後到左要走既時候, 係去機場既路上通常都會好唔捨得...後悔自己點解唔盡情玩, 盡情買, 盡情食呢? 而o的d既遺憾通常都係下次旅行既導火線!