《性工作者十日談》

尋日同天使行完街之後, 去左行VCD鋪....因為好奇心買左隻《性工作者十日談》, 同《戀戀巴黎》!朱茵同余安安做媽媽生????其實不嬲對港產片都無咩寄望.......我o念d套都唔例外, 可能只係名副其實o既"雞片"(爛片)......

相反套戲係我最近睇過最好o既港產片.....套戲無色情, 無無厘頭...相反有文有路, 好寫實!!!!!戲中o既新演員做得非常出色 : 有董敏莉飾演染上毒癮o既毒姑最後淪為企街!今次不得不讃李逸朗飾演o既人妖祖兒,演技大有進步.....演得自然投入, 而且角色討好.....最後仲有余安安飾演o既媽媽生, 飽盡滄桑已看化一切, 同以往飾演o既濶太角色有好大分別........

所以d套係值得一睇o既電影!!

被溶化了的糖花糖後記:

尋日天氣好熱.....差d就被溶掉了!!!在腦海內出現了一個問題???其實d人因為天氣熱而開冷氣, 但係就係因為人們不斷開冷氣, 天氣先愈來愈熱.....唔通有一天我們真的會遇上"明日之後"......