自私

今日喉嚨嚴重發炎.....無返工.....不過有件事令我唔係好開心.......其實好小事, 但係令我睇清楚一d野.....睇到一個人額頭上刻左"自私"兩個字!!不過佢不嬲都係咁!我明白你有權利咁做.....我明白我係d個位無得嬲....如果唔係既話佢就應該做大, 而唔係我啦!所以我原諒你,但係唔代表我認同你既行為!!!

我生病了 : (

我病左呀.......好辛苦呀!D鼻水不自制咁流落黎.....鼻又開始塞....喉嚨勁痛.....HELP ME!!!...仲有APM既黃綠醫生....... : (

*天使*好久不見

今日上晝去左做運動. 由於CNY假期既關係無做運動成個禮拜. 今日做番!出身汗,爽曬!

下晝約左一個好耐無見既朋友聚舊. 天使係舊公司既同事. 以前都幾friend, 逢星期六放工之後都會一齊去行街,唱K.今日我地又去左唱K!其實都幾變態,今個新年已經唱左三次K啦!(年三十Lunch同瑪基, 初二晚同JO仔仲有今日)但係仍然無減我既興致. 或者我實在太鍾意唱K啦!之後去旺角行街. 晚餐去左食大家都好鍾意既"無錫排骨飯"好味呀!大家都傾左好耐,傾下"舊時"D野啦!仲有佢感情生活啦!傾得好開心......

最後大家都大有斬獲, 係OZOC買左戰利品. 佢買左件衫, 我就買左個袋.....大家都盡興而歸...好happy!不過一出糧我又買野啦!點算呢?真係要學下慳d啦!

《迷失東京》

今晚明珠台重播《迷失東京》. 我又不禁坐定定睇. 我一直都好鍾意d套戲既感覺. 佢唔係一般奧斯卡電影既大製作. 無山, 無飛機, 無大炮, 無眼淚......佢只係一套淡淡既小品電影!拍得東京好寫實......睇完之後好似去左東京一轉 (雖然咁講有小小誇張, 但這是我的感覺)

《迷失東京》全片於東京及京都拍攝。故事由兩個身在東京既美國人開始，一個係中年過氣電視廣告明星Bob Harris(標梅利)，一個係嫁夫隨夫既新婚少婦Charlotte(絲嘉莉鍾安遜)，兩人身處異鄉，面對陌生既人和事，感到迷茫。二人同渡失眠夜，午夜徘徊時遇上，自此建立了一段微妙既友誼，在言語不通既國度內，同於東京冒險。

睇到男主角起初不太鍾意d個地方.....令我諗起我每一次去旅行既時候,起初心裡面總會投訴當地既天氣, 食物, 水(每一次都會令我肚痾), 酒店張床, 仲有人...總係會有d掛住香港!到住多幾日,當慢慢適應左之後......你就會覺得一切都變得順眼左...最後到左要走既時候, 係去機場既路上通常都會好唔捨得...後悔自己點解唔盡情玩, 盡情買, 盡情食呢? 而o的d既遺憾通常都係下次旅行既導火線!

年宵之豬年行大運

琴晚同左陳生,陳太,仲有d兄弟去左維園行年宵.....只有三個字形容迫.迫.迫.......好多人.....差不多咩都睇唔到!陳生話好似啟動左自動導航.....隻腳好似唔係自己咁...一直向前行...都好彩有兩個特工開路,先順利完成行程....真係叫做人行,我又行咁啦!!陳生買左吹氣豬肉刀同一隻豬手,應下節咁啦!哈哈..都幾攪笑.....之後去左茶餐廳食野.....

今日大年初一...一早食左早飯......收左封利是...之後睇左林狗既(o否)低噴飯. 真係超低能,勁攪笑!!!!訓左陣晏覺.....之後再煲Madonna既演唱會......佢果然寶刀未老.....勁呀!之後阿妹男友上左黍拜年.....

係到祝各位女士珠光寶氣!!男士就發過豬頭!!豬年行大運!!

Holiday Mood

今日終於忙完手頭上既工作....成日都覺得聽日好似唔駛返工...所以今日已經出現CNY假期症後群. 做野好散漫......

今日食晏既時候聽到一個駭人聽聞既愛情故事.......本來一直對D位主角無咩好感...聽完之後對佢有D改觀!明白睇人唔好睇表面......原來愛情可以好偉大.....真係估唔到佢咁偉大.....一直不離不棄!有D同情佢....希望佢真係可修成正果.....幸福快樂啦!

制服誘惑

係公司做左兩年,從來無幫公司既產品fitting過......今日終於有機會...但係係幫SA既制服fitting...因為佢地話counter有d 女仔既size同我差不多.....老闆想睇下o個效果......入到老闆房..佢同緊幾個dept head開緊會......唯有頂硬上啦!講真呀!套野真係超級唔掂.......樣衰到爆!

老闆問我覺得點??我就一五一十講曬出黎.....首先套野好似睡衣..著得不太舒服...胸口太sexy.....個胸好似會跌出黍...豐滿d都唔掂.....d色好娘.....講真我情願著T-shirt 牛仔褲...仲舒服!!我o念我今次都幾大膽.....係老闆面前勇敢發表自己既意見....哈哈.....

Can't take my eyes off of you

最近又重新戀上一套電影既主題曲closer ~ Can't take my eyes off of you......套電影係講女主角Natalie Portman一次去英國旅行,遇到幫人寫訃文既Jude Law. 佢地一見鍾情...一眼難忘..之後Natalie留低與Jude同居..Jude又因為工作既關係巧遇Julia Roberts而擦出火花......Julia 為左避開對Jude既感情..而同Clive Owen結婚..之後Julia又與Jude愉情..最後Natalie為左報復勾引Clive...一段錯綜複雜既四角戀......

係一套黑色幽默既愛情片...睇完之後個心會好酸..但係又好寫實...或者而家d人既感情就係咁錯綜複雜.....記得當時我係同一個剛分手既朋友去睇. 睇完之後佢仲傷. 好多時我既愛情觀就係來自d o的電影...我無膽玩d o的遊戲....好怕受傷既係自己...自問對自己已經無自信心既我...仲點去愛人呢??所以能夠搵到付託終身既好男人..我認為等同中六合彩,機會好渺茫......所以每一次都原地踏步.....唔敢投入!我知愛係需要勇氣......但我就係欠缺勇氣..所以我一直欠缺愛情.......

請原諒我今晚既感性.......

港樂X側田

今晚睇完側田.....好掂.....原來世界上真係有prefect match. 就係側田+香港管弦樂團. 佢地真係天生一對.....側田把聲溶化了我....第一次睇演唱會有窩心同醉既感覺.......好似飲左杯紅酒.....終於明白一個男人外表唔重要...最緊要有才華!係台上既佢係一顆鑽石........






我最鍾意既歌KONG

我 我沒有害過人 只想失戀也有名份
我 太樂意獻一吻 為甚麼這溫柔會犯禁
若你我可抱著睡 連命也甘心短幾歲
誰能及我 將性命也豁出去
若與你好有罪 全是律例不對我要追
離棄世界亦要追*

寧願天去收我 也替你受重傷
金剛跟美女戀上 也是個傳奇狂想
縱是遺憾收場 都必需跟你 明刀明槍
子彈不怕上 一級級上塔尖欣賞
欣賞你憂傷 *

就算你早有別人 無礙我爭取夢中人
扶搖直上 高到共你能擁吻
別說到太高深 能自願便相襯夠決心
越中箭我越勇敢

Repeat *

不屑 不信 不怕 打擊更令我堅強
這縱是妄想 能得到你給舉世景仰
我有我夢與想 多高攀也敢攀上
這份愛傳奇無雙 縱是遺憾收場
都必需跟你 明刀明槍
子彈不怕上 一級級上塔尖欣賞
苦命人 相擁俯看 世上風霜

愛麗斯~激死我啦!!

公司實在太多湧員啦!有d人做左幾十年......人工高到爆..日日行行企企...無咩點做......咁都生存到!真係唔掂呀!阿媽仲要我教佢做野.....激死!!教極都唔識.....好似揍仔咁......今日終於發火話佢.......

仲有樓上d人都唔知係唔係食左X.......d數個個月都唔o岩........淨係識行黎行去,上上落落.......真係火都o黎呀!

期待星期四的港樂X側田.........

恩之子~~~蔡達人

媽咪開始幫表姐揍BB.....今日放假,所以我都幫手揍佢......佢叫蔡達仁,性別 : 男, 兩個半月...佢真係超級得意......真係好肉緊呀!一見到佢就想咬佢兩啖啦!似足佢媽咪...佢個樣有d似忍者"新丁".....好Q呀!係我見過咁多BB當中最得意既!同佢玩又識笑......成日都想講野咁樣...不過就鍾意人抱著佢.....

我覺得恩表姐生完BB之後成熟左....以前細路仔脾氣既佢.....終於都成長啦!希望達人快高長大, 肥肥白白, 健健康康......