受寵若驚

因為今次病.....我發覺人間有愛!!我要特別感謝以下有關人仕 :

公司同事及阿媽 ~
感謝你們的關心同問候!仲有時常提醒我要多喝水....估唔到阿媽今日會比左支漱口水我,領我有d受寵若驚!佢平時係把口衰d,扮野d...但係我知佢心地好好既!


鴨利洲大街林德華醫生 ~
佢係一個好有醫德既醫生.....好細心...每次見親佢o既開場白都係靜樂你點呀?有咩唔舒服呀?笑笑口咁!佢會好細心咁解釋病情.....領你唔會擔心!醫術高明!可謂仁心仁術!


老媽子 ~
感謝你既愛心白粥同梅菜瘦肉餅.......仲有你既擔心!

<998>我抽中了......同場加影我又病了

今日中午 12:43 收到一個SMS如下:
經中銀香港認購股票編號998新股分配結果
獲配股數: 1,000

本來應該好開心,但係因為病左幾日.....咩毒咩燒都發曬出黍!無錯又病.....今個月第三日病假.....我唔明白係我抵抗力差左呀!定話今年無吉星照住,所以病魔隨身.......終於明白執到金都唔識笑o既心情！可能你會覺得我係度曬命.....但係今次只係一次無心插柳....或者有d野永遠唔好期望，結果反而出乎意料......做人有得必有失！就好次今次咁睇左幾次醫生.....但係就比我抽中左!我o念都係上天送給我o既一粒加應子，比我好好送藥啦!(真正o既苦中作樂）

下午tea 一 tea

今日放工之後同左大口娟,葉師奶,神paul仲有杜麗莎一行五人去左"做足100分"歎茶!真係笑餐飽!仲八到新黍既大大隻係trade show當眾向A & P既麟哥仔示愛.....勁猖狂.....麟哥仔面都紅曬.....超爆笑!自從大大隻黍左之後,佢已經順利成為黛記肥肥流行榜第一位!真係佩服佢既勇氣!要好好向佢學習先得!哈哈.......

其實有時做野做到悶悶地,同班姐妹去tea 一 tea.....輕鬆下!真係幾賞心樂事既!何況仲有人請!嘻^_^

《新股上市》中信銀行（０９９８）

股票號 : 0998
股票名稱 : 中信銀行股份有限公司
每股 : 5.86
買入 : 1,000股
掛牌日期 : 27 Apr 2007 (星期五)

林氏姐妹花<生日快樂!!>

Dear 林Dee,

祝4月15日生日快樂!!!
祝高考成功!!科科羅A!!入大學有望!!
祝與東少恩愛非常!!!!
祝身體健康!!!


Dear 林Kai,

祝4月17日生日快樂!!!
祝工作愉快非常!!!!無人"蝦"!!
祝與環保大人如膠似漆!!!早日成家立室!!!
祝身體健康!!!

Yours
Big sister

Marie Antoinette

今日睇左由Kirsten Dunst做既Marie Antoinette........

故事係講奧地利公主瑪莉在17歲便嫁入王室成為法國皇后，而少不更事，不懂政界爾虞我詐的她，只知享受榮華縱情玩樂，而成為18世紀皇室奢華生活的代表。在法國大革命期間，瑪莉皇后被判入獄，財富盡失鉛華洗盡，最後還慘遭斬首命運。

本身都好鍾意Kirsten Dunst既我,雖然佢最近有好多負面新聞又話佢吸毒鍾意可卡因等......但係都無損我睇呢套戲既興致!起初都驚好悶.....但係出乎意料喎!靚人靚景......仲有小小後現代感!佢演得生鬼又活潑.....

婚姻

因為我們需要有人見證生命.........

世上有幾十億人一個生命有什麼重要呢?

在婚姻中,你答應關心一切好事, 壞事, 可怕事, 悶事........所有這些, 全天候, 每一天. 那就是說 : 你的人生, 不再默默無聞. 因我會注意你, 你的人生會有人見證, 因為我就是你的見證人.....

(談情共舞)

肥有罪嗎???

究竟肥係唔係有罪???呢個問題我想由我三歲開始已經開始不停發問. 或者從那時開始我已經唔知道咩係瘦.......所以一直都唔識答前者既問題........因為"肥"由細到大到受到好多毫不留情既批評!!例如好肥,肥婆,肥妹,肥豬等等....善意d就會話 : 你都係一個靚女黍既, 不過你肥o羅!你肥得幾可愛呀!又或者話你肥得似邊個邊個!

最近聽到我一個同事講起佢個女.........佢個女由細到大都係好肥(可能係遺傳佢爸爸)!佢唔俾佢個女飲凍野...打佢...迫佢落街跑步, 結果佢果女一路跑一路流眼淚!佢同我講佢果心好痛, 但係無辦法!何苦呢!聽完之後果心有d酸!其實肥人承受既壓力好大......就好似我咁呀!同朋友行街買衫,永遠都只係可以得個睇字......或者只可以睇鞋或者手袋!買衫就只可以去門口有XXXXXL既地方買.....因為自信心不足,永遠都唔可以勇往直前!永遠都只有失敗......唯有做一個大好人去取悅人...永遠都係一個配角.....

其實我唔係無去保救......我已經積極減肥,而家既我比起高峰期已經瘦左二十磅!識我既人都知道我食野唔多......平時早餐一份麥飽三文治, 晏晝一個飽, 夜晚一碗麥皮加D(送)....一星期有兩日運動!有時都覺得自己肥得唔抵.....起碼人地可以大吃大喝呀!

其實肥只係一個人既特徵......就好似有D人個子不高,樣唔靚,太瘦,性格有問題等!人點會有完美呢?如果個個都好似李嘉欣咁?又點會知道佢係靚呢??只係希望有d人係用說話傷害人之前,想下自己又係唔係完美呢?賤人!(己所不欲,勿施於人呀!)

好似呢個世界會有細小既雛菊, 有刺既玫瑰, 怕羞既怕羞草, 芬芳既薰衣草仲有喜愛太陽既太陽花.........

偷得浮生半日閒之揍仔篇

今日開始放假.....本來打算同雲妮去台灣,但係太貴...所以唯有遲d先去啦!今朝一起身就見到"麵包超人"~~~達達豬!!佢真係好得意!成日好似"依依呀呀"咁講野......揍左佢差不多一日!原來揍BB,真係唔簡單...由餵奶到換片!真係要好有心機!終於明白老媽子揍大我地三個"美少女",係付出左幾多時間同心機!我揍半day,都出曬煙啦!唔怪得之老媽子,多左咁多白頭髮啦!

之後去左銀行同整理返之前貝拉結婚既相片........多謝葉太既"溫馨提示"!!嘻嘻!!今晚仲食火鍋呀!!

期待明天既奇妙之旅...希望天氣好d啦!