好心做壞事之攪風攪雨

我真係唔明白??請假啫, 都可以攪出壇o野.....我同葉太傾好o左話唔放18號比佢放!我放22號......阿媽你假紙都簽o左, 就唔好攪風攪雨啦!我知你不嬲對葉太都有心病....但係唔好搵我做禍心呀!仲要攞住張
假紙去串佢, 攪到佢唔開心.....真係激死人!阿媽你真係唔化!唉......................




今日收到靓女Susa既Strawberry棉花糖, 可惜都保唔番!

最近又啟動了自動保護模式!!!慘!!

與杜麗莎的餞行九大鬼

杜麗莎聽日last day, 結束係黛記二十幾年o既返工生涯....決定返去做家族玉器生意!所以今晚同一班姐妹去左德興食一圍九大鬼.....連好耐無見o既靓太Margaret(前上司)都又o黍!(不過我地無叫阿媽)認真熱鬧....開開心心咁度過一個炎熱o既晚上..

其實大家都有d唔捨得杜麗莎......雖然佢唔係好做得野!有時仲激死人....但係以後又少左個sponsor啦!其實佢份人心地都唔差o既....希望佢可以搵到適合佢o既一片天啦!

仲有打包伊麵同炸子雞.....

知足常"樂"

今日收到朋友的一個電話....佢話我知現在市道好好!問我會唔會考慮轉工!我想"轉工"呢兩個字真係好耐無係我腦海出現啦!認識我耐o既朋友都知道我係"轉工天王".....從98年畢業之後, 都轉過有7, 8 份工啦!(仲唔計做兩, 三日貨仔果d) o念返轉頭都有d恐怖呀!

可能當時細啦!小夥子....不知天高地厚!覺得人地對自己唔公平"辭職", 無前途"辭職", 俾同事蝦"辭職", 俾人屈"辭職", 工作多OT多"辭職", 人工少"辭職"........太多太多理由, 但係無一個理由係關自己事o既!心口有個"勇"字, 以為"辭職"就係解決問題.....其實係唔面對現實就真!!

但近呢兩年,發覺自己真係長大了很多!!明白每份工都有苦有甜o既地方, 明白捱過了便是另一片天空.....有時係自己太執著, 又或者係自己對人唔係事, 太幼稚, 太小氣.......工作永遠唔會遷就你, 只有你學懂去適應佢....只要唔好太執著, 凡事看開d!你就會鍾意佢.......

雖然現在o既工作未必係最好o既......但係我真係鍾意佢. 我唔會羨慕人地擁有o既!因為知足常"樂".....我仲明白到每個人要走o既路和際遇都唔同!你o既路未必適合我....要爭取一d唔適合自己o既野,何苦呢??點解唔好好珍惜身邊所擁有呢?

我唔相信呢個世界會有無腳 o既雀仔, 但我聽過鳥倦知還.....

下次下次 - 薛凱琪

作曲: 張家誠
作詞: 黃偉文
編曲: Ted Lo
監製: 崔炎德

猶如沉沉大病一場 痊癒了面相更閃亮
舊身體不理想 升級版我巳換上 邁向當天 震央
回頭來時路極荒涼 然而前行或是勝仗
幻想中的某君 終於一次會遇上 若我心裡留低 愛情那扇窗

下次下次 下次大概可以 能碰著誰 成為幸福小姐一次
忘了舊時 和男孩子 熱戀幾次 仍然如此
猶像禮物 被拆開 一張廢紙

下次下次 是勝利那一次 能夠賺回 從前為苦戀所透支
誰怕用情 誰就會輸 就算重傷 巳七萬次
難道我就這樣嚇跑 無下次

隨時成為幸運那人 誰記得 沿路極晦暗 在這刻 即使只有等
仍衷心 撦盼再熱吻 尚有一個男生 我還有信心

下次下次 下次大概可以 能碰著誰 拿回累積獎金一次
忘了舊時 和男孩子 熱戀幾次 仍然如此
誰在昨日 讓我哭 不足掛齒

下次下次 沒法壞過今次 還有哪事 能令我悲傷不止
誰未繼續 誰就會輸 就算再輸 再不斷試
然後勝利會是我的 無下次

狗口長不出象牙

點解有d人講o野永遠都唔理人感受o既呢??其實我都可以毫不留情咁講出呢d說話,但係我唔係狗......賤精....

送給你自我反省吧!

放假一天

今日放假下晝同老媽子去飲茶......當然要帶達達豬一齊去啦!

"朋友" Q & A

Q : "朋友"定義是什麼呢??

A : 有事鍾無艷定無事夏迎春呢??
自私??自我??自戀??自大??小氣??
喜歡放飛機??
眼紅別人???
有情有義??義不容辭??赴湯蹈火??

偶遇

一個偶遇.......出現的時間, 人物, 地點 足足遲了一整年!

曾經多麼期待的一個偶遇......出現在不合適的時間, 地點........改變了人物的結果!!留下的只有一個疑問和遺憾......

或許是上天開了世人一個玩笑吧!就好像天氣一樣陰晴不定!!

我排著隊　拿著愛的號碼牌
總有一天　我的謎底會解開
(遇見)

表弟!你好o野!

我, 表弟文朗與林Dee




文朗係我表弟.....由BB到五歲都係跟媽咪揍大o既!!所以有時星期日,佢都會返黍探下姑媽(媽咪)同我地!林Dee都會義務幫佢補下習!衰仔....今年已經中一啦!仲高過我地半個頭!仲記得以前, 佢幼稚園o既時侯總是喜歡唱著"太陽花"....轉眼間就快高長大!!証明我又老了!

拍攝 : 姑媽

星期六有節目之天使愛漫遊

2007年5月19日(星期六)
時間 : 下午2:00 pm
地點 : 銅鑼灣


所謂天使愛美麗.....今日相約天使一同去做 facial扮靓!


時間 : 下午3:00 pm
地點 : 銅鑼灣

做完 facial之後, 緊係今日重點節目shopping啦. 戰利品一號!!


時間 : 下午5:00 pm
地點 : 葵芳

行完銅鑼灣之後, 就去左葵芳.....都好耐無行過葵芳啦!好多人呀!不過都行得好開心...



時間 : 晚上7:00 pm
地點 : 葵芳

開飯啦!行到肚餓, 去左一間叫"好好"既地方食飯!排骨飯同金牌雲吞麵好美味啊!!



時間 : 晚上11:00 pm
地點 : 旺角


最後去左旺角...好開心天使終於搵到佢o既最愛!!佢o既最愛真係幾靓o既!我地仲去左飲o野!
12:00 pm回家!

棉花糖後記 : 今日好開心!可惜就係天氣唔好.....落雨!好彩天使有hello kitty雨傘!天使多謝你!送我到巴士站和給我愉快的一天!

Karen與我

早幾日收到Karen o既電話.....話約出來食飯!!Karen係我係珍寶做野識o既(都有六年啦!)....記得當時都好friend!!我們都喜歡談扮靓, 談心事........係公司佢都好照顧我!!但自從大家離開公司後, 就少左見面!!但仍然保持聯絡.....上一次見面已經係上年o既事啦!

好開心今晚大家約出來食壽司, 談談近況!!佢依然開朗, 率真, 大笑姑婆咁......同Vincent依然恩愛非常!!之後去行左一陣呀!!

好豐富呀!!好美味呀!!

今晚的戰利品.....電話座小香菇!!一人一個.....盡慶而歸!

新形象之短髮

我的短髮look....

兩星期前發覺頭髮實在太長.......所以終於忍唔住去尖沙咀搵Mandy(髮型師)修下D頭髮!!!本來o念住修下....點知!!剪下多d...剪下又多d....印象之中自從小六之後都無試過咁短啦!!

睇住Mandy係咁剪.....其實真係有d想喊!!終於明白America's next top model裡面果d女仔改變形象要將長髮剪短,傷心到喊果種心情啦!

起初真係有d唔慣.....但係而家天氣開始熱,又真係幾清爽o既!洗頭仲方便左好多,而且又快乾呢......

*剩女年代 - *剩餘

祖母們, 愛她們的男人像愛大米...
我們, 愛我們的男人像愛零食.......

上星期收到中學時代一個同學 - 彭小姐既電話.....內容係話 :佢搵左我好耐!!佢話十月要結婚想搵我做MC.....我同佢講我唔做MC,但係都可能會去飲o既!真係估唔到佢咁快結婚.....

印象中彭小姐好高,係女版姚明.....好山東feel!上次見佢,佢都仲未有拖拍!不過自從我同陳小姐(另一中學同學)反面後....我們已經好少聚會!其實係我唔想再同佢地聯絡.....其實彭小姐做左好多次和事老!但陳小姐做左一件好過份既事. 雖然佢之後send左道歉卡比我. 但係啖氣仲頂住!(我好少咁嬲/已經好幾年啦)..

彭小姐話想約我地出來食餐飯同請我地飲......呢個世界實在太多估唔到既野會發生!剛過去的星期四,公司有同事(細我兩年)又結婚請我食餅...又一估唔到!!!!!!

我們的新電腦

我們終於換了新電腦啦!

記得上一部腦(是我們的第一部腦Tiny)係豆豆供比我地......已經係差不多十年前既事.....所以它老得好利害!!好多功能都壞了!一直希望佢捱耐d!可惜三星期前佢終於壽終正寢.....不過佢係值得我們懷念的!!

蜘蛛俠3

今晚放工阿麥約左我去油麻地百老匯電影中心睇7:30蜘蛛俠3. 套戲都幾精彩....綠魔個仔哈里幾型仔. 無悶埸. 唔錯!之後去左Charlie Brown食朱古力心太軟!

阿麥之前話介紹個男仔比我識....個男仔係佢係英國留學識既!佢話個男仔人品好好...我以為佢吹下水,估唔到佢真係將我個email比左個男仔....真係唔知好笑定好嬲啦!anyway阿麥 多謝你的好意......

孫燕姿拉闊音樂會

時間 : 07年5月5日

地點 : 亞洲國際博覽館

特別嘉賓 : 古巨基 側田

評價 : 非常精彩!!雖然孫燕姿病, 但仍然唱得好好.....好專業!

特別鳴謝 : 雲妮 環保大人

我是達達豬

我與他的合照

型仔 look..


可愛 look..


性感 look..

拍攝 by : 棉花糖