Royal Garden Hotel Buffet Dinner~ Yummy ^_^

今晚放工之後同公司一班姐妹去左尖沙咀Royal Garden, 食Buffet. 食物款式多,又美味.....生蠔好大隻又Juicy. 仲有即煮新鮮海鮮......我心水推介係"龍蝦蟹子炒飯"掂呀!美味字數 : ***** 仲有甜品款式多.......大家真係好飽!除左食餐飽之餘,仲笑餐飽...好happy!!!!!!!!今晚餐飯仲有sponsor. 只係出一半,即係$180. 真係超值呀!






唯一美中不足就係今日係星期四,聽日仲要返工......好彩阿媽聽日放假,無"黃"管......生活就是這麼可愛!: p

與麥祖連的告別晚餐

麥祖連係同我差不多時間入黛記既同事.......起初對佢印象一般. 因為佢講野直腸直肚. 通常得罪人多,稱呼人少!個樣有d串,d人一直傳佢係"黃馬褂". 係I記d親戚. 起初有一段時間都同佢一齊食晏吹水(好表面).....直到我同佢都一齊調部門. 佢調左去廣告部!之後發覺佢沉默左好多.....不過佢依然會走過黍同我傾兩句....

直到最近有一次係staff boutique遇到佢.....佢話比我知佢辭左職, 當時我呆左......之後佢話約我睇戲!最終無睇戲,約左今晚食飯. 我地去左附近APM一間食意大利粉既餐廳. 本來無期望d餐飯有咩!都係一餐普通既farewell飯局.....但係世事往往出乎意料. 我地由六點幾坐到十點幾. 由湯到cake.....

我地傾左好多野....原來佢只係一個我行我素,不知天高地厚既黃毛丫頭....根本就唔係什麼"黃馬褂". 我欣賞佢既率真, 佢既敢愛敢恨!就好似長毛一樣鍾意遊行......對我黍講佢係一個高人.....佢對公司既每個人都有獨特既分析!但係又分析得好準確...佢仲提到佢係廣告部既非人生活......有d人會以為佢係"黃馬褂"而擦佢鞋,有d人就對佢恨之入骨...所謂憎人富貴,厭人貧......佢既經歷領我獲益良多!

最後大家係月台分手...當佢同我揮手既時候....我個心有d酸!或者人大左好怕生離死別既場面...我地就係人生呢個章節上畫上句號....又繼續編寫下一個章節. 佢可能只係我人生中其中一個過客, 又或者會成為好朋友......但係我永遠唔會忘記呢個敢怒敢言既知識份子.....

行政長官

今朝一開著電視就見到800人小圈子選舉係度點緊票. 結果意料之內曾蔭權以649票高姿態勝出,而梁家傑只獲123票. 無錯梁家傑係大律師口才了得,係特首選舉論壇中表現出色. 仲叫表哥張堅庭同佢特訓. 相反曾蔭權表現平平.

從來我都覺得做人應該對事唔對人. 今次都唔例外!!回想起當初縮頭龜董健華拍拍"屎忽"就咁就走左去. 決定同董太一齊減肥! 留底一壇"傑"過梁家傑既蘇州屎比曾蔭權.曾蔭權係無對手既情況下自動/欽點當選. 我相信d個位佢適合不過. 因為佢係公務員出身......肥彭時代已經係財爺,後來陳太唔玩,決定做番闊太.....得閒發表諱論激下老母!曾蔭權又自動成為政務司司長(好過而家上四川探熊貓既許仕仁,有時連佢個名都唔記得)...順利過度97...

曾蔭權三個位都做過...打仗同玩遊戲都一樣最緊要知己知彼, 百戰百勝!!佢將當時一個爛攤子.....變成而家既盛世!佢應記一功.(或者係好命醫生,醫病尾啦!)不過我知道連任比起首任條路更加難行...因為你唔會有藉口做唔好d份工.....就好似修身一樣,修完之後要一路keep住先係學問.....今次攪出梁家傑d壇野,其實証明香港人唔再逆來順受...

至於普選,我相信唔會係五年後既事.......始終香港係屬於中國既!!如果唔係就會有第二個台灣咁攪台獨(毒)~攪到唔三唔四......學徐子淇老爺-李兆基話最緊要樓市好!多一事不如少一事......做事要有計劃..慾速則不達!不過希望係我有生之年都能夠投下神聖既一票...

發覺D幾年人大左關心多左政治...因為"知己知彼, 百戰百勝"......由關心自己成長既地方開始!

向世界出發

由上星期開始播我最鍾意既電視節目<<向世界出發>>...我緊係坐定定睇啦!真好一做就播我最想睇果兩集 :

愛‧回家
謝霆鋒　柬埔寨

昔日的高棉，今日的柬埔寨，曾經有過輝煌的歷史。

每個人都希望擁有自己的家。霆鋒訪，我們親眼看到他的反叛，看見他跌倒，看著他成長，見證他結婚。家，對他來說究竟是什麼？謝霆鋒於柬埔寨以「愛．回家」。

在柬埔寨，每年仍然有超過八百個地雷受害者。據估計，要將柬埔寨餘下的地雷徹底清除，至少需要多十年的時間。地雷會有消失的一日，但埋藏於柬埔寨人民心裡面的傷痕，就永遠滲著血。

謝：「坐監的時候，我由第一日笑到最後一日，阿媽叫我不要再扮笑了，我想那時候我覺得我見到真正的Daddy、媽咪，並不是大家見到雜誌封面上的謝賢、狄波拉…」

於柬埔寨，擁有一個完整的家，是奢侈品。但在香港，父母、家人在身邊，又有幾多人懂得珍惜？

以愛，為自己建立一個家。以愛，為別人建立一個家。謝霆鋒不顧一切，選擇同張柏芝結婚。

謝：「我把戒指藏在身後，跪下求婚的時候，我得到她一個反應是，我認識她這八年來都末見過的反應…」

國王與我
曾志偉　汶萊

汶萊，對很多香港人來說，神秘而傳奇。曾志偉來到汶萊，展開一段超乎想像的旅程。他深入汶萊皇宮，參加帝皇夜宴，入住十三萬一晚的帝王套房，坐皇帝坐過的龍椅。帶我們見證世界上最珠光寶氣的皇后皇妃，最金碧煇煌的帝皇夜宴。

如果人的一生，是由一個又一個的欲望組成，人的欲望，又是否無窮無盡？

志偉：「今天你擁這樣的物質，明天你就想擁有再多一些…」

決戰芒果糯米慈

芒果糯米慈




材料:

熟芒果3至4隻

椰汁125ml

芒果汁125ml(半盒250ml)

糯米粉250g

白砂糖10茶匙

椰絲1包


1)全部攪至完全無起粒(可用網隔至無粒)，放在比較平的大碗待蒸

2)滾水隔水蒸至30~35分鐘，待涼後可包入芒果，然後沾上椰絲即成

3)放入雪櫃


小貼士：

>>先放椰汁同芒果汁之後繼少繼少加入糯米粉一路攪...一路攪，否則變了 一舊！

>>一定要用網隔至無粉粒!

>>如果想芒果味重D、可以減少些椰汁改用芒果汁做皮

>>蒸時最好包保鮮紙、防倒汗水

>>唔蒸可以用微波爐叮4分鐘

>>一定要帶透明膠手套並搽d牛油黎包糯米慈、先唔會"癡"手!

>>芒果切得越細粒可以包得越多

特別鳴謝 : 葉師奶提供精美食譜&美味製成品

幸福@幸福是怎麼 ???

越難越愛你　可惜手也挽不起　

為何沒法比她跟你早半秒一起　

怎忍心看見你　喜歡兩個一位也對不起　

你答應心一死　再與我做知己　

萬年未算遠　否則怎配叫苦戀　

尚留著甜蜜的短訊雙眼看不穿　

假使很快見你　這麼快變知己愛意太短　

卻更怕等得久　愛意純淨了你已百子千孫　

朋友　能愛她有甚麼　也別顧　

朋友需要結果　很辛苦　

我眼睛雖模糊　仁慈地看出她　實在無辜　

你有快樂與否不要再開估　給撇棄很苦　

不要別人來像我　再受苦　

越難越愛你　可惜手也挽不起　

為何沒法比她跟你早半秒一起　

怎忍心再抱怨　純真對你交心過那怕短　

一顆心　轉不轉　能重頭來過亦同樣挑選　

朋友　能愛她有甚麼　也別顧　

朋友需要結果　很辛苦　

我眼睛雖模糊　仍未夠你辛苦　

朋友　如你早已幸福　再別顧　

朋友早已很多　不辛苦　

我眼睛雖模糊　仍像你看出她　實在無辜　

你有快樂與否不要再開估　

因愛我而迴避我　上天磨鍊著我幸福中受苦

幸福是怎麼???

幸福是 睡得好......

幸福是 您喜歡的人也喜歡您。

幸福是 隨便走走沒目的什麼也不想。

幸福是 冬天等巴士時喝熱維他奶。

幸福是 看一本精采的好書。

幸福是 想起心上人而偷笑。

幸福是 情人用體溫為你送暖。

幸福是 生活簡單。

幸福是 和心愛的人一起看星。

幸福是 擁有一顆知足常樂的心。

眼紅紅

心情非常差...今朝起身發現左眼眼角紅左!到左下晝情況仲差.....從來都無見過隻眼咁!真係好驚......放工第一時間去睇醫生...Dr Lam話係微絲血管爆裂.....要起碼7至10日先好!要keep住滴眼藥水...隻眼驚嚇字數 : *****...加上上次喉嚨發炎仲未好番~死未!雙重打擊.....心情跌到落谷底.....

豬年原來同我唔夾.....話屬羊今年無吉星...中曬啦!本來唔應該信,但係事實放在眼前.....我真係希望可以身體健康, 因為我已經無法afford得起,病既時候帶來既失落,寂寞, 無奈.....我只係一個小女人,我都好希望病既時候有人陪自己睇醫生,關心自己,提自己食藥....可惜......

今日老媽子收到佢識左三十年既老友嫁女既請帖.......聽講佢個女仲細我一年....我出世個陣佢仲大住個肚黍探我同老媽子!又一打擊.......

摘星

琴晚同琪琪係意粉屋食左餐飯....傾左好耐...好高興知道佢為佢既前途行前左一大步...係一個好開始....唔好放棄呀!!add oil!!我相信你一定會摘到天上最明亮最閃耀既星星...同可以好好把握佢!送上我最誠意既祝福同鼓勵!100%支持你......