棉花糖的日記: 7月 2008

星期日, 7月 27, 2008

蔡達少洗白白^^

大熱天時，沖個靚涼先!!好爽呀!!

棉花糖with蔡達少

http://www.facebook.com/album.php?aid=33575&id=707363014

星期六, 7月 26, 2008

新寶晚飯

今晚棉花糖同貝拉、龍爺 & Sting到香港仔新寶食晚飯.. .. ..住係南區咁耐都係第一次去新寶食飯!!真係"娘"!!!

我地叫左一個"十二菜"真係成盤菜黍架!!好多菜呀呀呀!!!四個人叫到成枱野!!

陳生、陳太 with Sting.....

棉花糖 with 貝拉 & Sting.. .. ..

棉花糖 with 陳生、陳太

四人大合照.. .. ..YEAH!!!!!

情迷MIOGGI SensiSoothe Series

棉花糖比較喜歡韓國o既護膚產品，特別係MIOGGI SensiSoothe 防敏感系列。其實都用左佢地既產品同做 facial都有三年，都覺得比較適合自己!!!

從左面起 :

1. Cleansing Cream

2. Toning Lotion

3. Calming Cream - 有舒緩及鎮靜敏感功效

4. HexAqua Soothing Mask - 超保濕

5. Collagen Chocolate Intensive Mask - 深層清潔、仲有超濃郁o既朱古力味!!

其實我o既護膚心得好簡單，要保持面部清潔、保濕、防敏感.. .. ..要有充足o既睡眠、飲多d水，確保腸道暢通、多做帶氧運動，可防衰老、少化妝、間唔中做下 facial，最重要都係保持心情開朗!!!

星期五, 7月 25, 2008

Friday Night at SUZUKI Café

今日天氣實在太熱啦!!!但一早已約好JO仔!! 我地到左禮頓道SUZUKI Café食飯!!

必食推介 : 溫泉蛋煙肉意粉!!好Creamy哦!!

透心涼凍朱古力.. .. ..

棉花糖收到Jo仔由沖繩帶回來的祝福!!多謝哦!!

一睇就知道Jo仔係沖繩日日同陽光玩遊戲啦!!

北京田鴨比薩，味道不錯呀!!

我們的合照.. .. ..好開心呀!!有傾有講就歡渡左一個炎熱的Friday Night!!

星期三, 7月 23, 2008

忟憎!!!!!!

今日好忟憎呀!!!!!!!!!!自從搬左Office之後成日都要OT... ....又做到無停手!!!八月班友仔又輪流放假，又留底"pat"蘇州屎要跟!!!唉!!!!

我都想放假呀呀呀呀呀呀!!!!!!!!!!!!!!!!!!!!!!

星期日, 7月 20, 2008

舊曆六月十八，生日快樂!!!

今日係棉花糖舊曆生日，屋企人同棉花糖到灣仔金鳳食牛扒慶祝.. .. ..

型仔Menu.. .. ..

有懷舊味道的羅宋湯.. .. ..

七成熟鐵板牛柳

可愛林Dee與棉花糖.. .. ..

仲有朗仔買o既芒果蛋榚&媽咪o既利是.. .. ..

Make A Wish!!!

十分感恩!!希望屋企人可以開開心心、健健康康!!!

星期六, 7月 19, 2008

下午茶@又一城

今日上晝做完facial之後，相約瑪基到又一城翰騰閣飲茶分享下工作上的點滴，想過下少奶奶生活... .. ..可惜我是模充少奶奶沒有黑咭血併，哈.. ...所以唯有Window-Shopping!!!相反瑪基就買左個靚袋!!

外婆大菜榚

琴日係公公o既生忌，所以老媽子返外家同婆婆食飯.. .. ..婆婆仲整左愛心大菜榚，我話係"蛋"菜榚就真。因為差不多全杯大菜榚都係蛋!!!不過就好好味!!!

好彩老媽子都遺傳左婆婆o既好廚藝!!!

星期五, 7月 18, 2008

車厘子人字拖

今晚同貝拉去尖東德興食火鍋，但係食到貝拉＂把幾火＂。因為我地order o既莞茜皮蛋湯底珊珊來遲(足足遲左半粒鐘）.. .. ..貝拉緊係發揮佢o既判官本色啦!佢地今時今日o既服務態度真係唔掂!!就係咁佢地損失左兩位貴客啦!!

最後我地仲一齊搭１７０返屋企。落車o既時候發現一個熟悉背影，原來係剛返完鄉下o既哥斯爸，佢原來一直都坐係上層都唔知！！或者我同貝拉傾得太開心啦！！

貝拉多謝你送比我o既車厘子人字拖，好fit岩曬著＋陪我食左個＂把幾火＂o既火鍋。

星期三, 7月 16, 2008

Guilty

我相信每個人都做過一些內疚的事!!!以下就是我的罪証.. .. ..

其實我很喜歡買鞋.. .. ..每次買完都有點內疚!!!因為有o的鞋買左完全無著過，有o的只著過一次。

由於前年鞋患問題日吹嚴重，老媽子唯有先下手為強，棄掉了我兩對貴Boot後 .. .. ..而且家裡不只我一個女人喜歡買鞋，所以我已經忍心棄掉了很多!以下就是近年的存貨(當然還有一點點沒有上鏡啦!!哈哈.. ... )

其實尋尋覓覓以下就是棉花糖最愛的鞋子.. .. .. 我們幾乎係一見鍾情!!我和"它"唔需要適應期，著完"它"之後唔需要貼膠布、起水"POP"!!無論晴天、雨天都著得.. .. ..

星期日, 7月 13, 2008

可愛的麵包超人

最近係床上找到了上次林Kai去韓國旅行買給我的手信"可愛的麵包超人襪子"!!!其實一直都不捨得著... ...但唔著又好浪費，所以決定著住佢行街街.. .. ..

其實棉花糖都十分喜歡麵包超人，因為"他"有點像我呢!!

星期六, 7月 12, 2008

JAY 2007 The World Tours @ Leisurely Saturday

今日下晝無出街，百無聊籟，從CD櫃尋寶.. .. ..

給我發現了林Kai買了很久的DVD"JAY 2007 The World Tours"。棉花糖其實很怕看演唱會DVD，因為有很多歌手在演唱都會失準.. .. ...但反正沒有什麼可做，就看看吧!!!

咦!!竟不想到"朦豬眼"真的有他的個人魅力!!又其是彈著琴唱著"不能說的秘密"、"最長的電影" & "蒲公英的約定".. .. ..真的很帥呢!!足以証明男生不一定需要俊俏的樣子，有才華已經十分足夠.. .. ..真的很好聽呢!!唱得很像播CD一樣呢!!

看完之後，睡了一場很甜的晏覺呢!!睡醒後心情都十分好。雖然棉花糖今天沒有華麗的下午茶，但一隻有質素的DVD、一場很甜的晏覺!!已經十分心滿意足啦!!

晏覺後.. .. ..的自拍照

攝於星期六下午晏覺後.. .. ..

星期四, 7月 10, 2008

麻布茶房@平凡星期四

芒果豆腐雪糕

今晚與貝拉同龍爺到銅鑼灣麻布茶房食飯，一餐家常便飯!!!

好開心和你們分享生活上的點滴.. .. ..為平凡而沈悶的星期四劃上完美的句號。

星期二, 7月 08, 2008

Opening Ceremony

今日上晝公司Opening Ceremony，又拜神、又舞獅、又切燒豬.. .. ..希望大家搬到新公司可以順順利利!!

除左燒豬、燒鵝、白切雞外，仲有Cheap Cheap Free Lunch Box 一個.. .. ..

不過今日我就唔多順利啦!因為老虔婆成日都係到"阿支阿左".. .. ...

星期一, 7月 07, 2008

幸福少奶奶

今日知道我地部門第二把交椅愛麗絲要辭職.. .. ..都有點意外!!!聽同事講其實佢都好唔捨得，但係為左要專心照顧讀名校o既仔仔，所以放棄事業!!!

其實佢真係有資格過幸福少奶奶o既生活，因為佢先生係火柴頭名錶亞太區o既總裁，而且家住九龍塘畢架山!!自己又係名校出身.. ... ..雖然佢咁富貴，但係份人一d架子都無，人品好、又大方又有修養，所以大部份同事都好鍾意佢，雖然唔捨得佢走，但係都送上對佢o既衷心祝福!!

其實做幸福少奶奶都唔容易!!除左有學歷、有條件、有父母栽培外，仲要有福份!!!