大信封

琴日排骨叫左阿媽入meeting room...阿媽出黎之後叫左我入去....入去之後排骨比左個大信封我.......原來係加人工....出黎之後阿媽仲問我加得滿唔滿意......阿媽雖然平時係嚴D,把口衰D.....但係今次都算有D人性啦......係到做左差不多兩年,都加過三次人工.....都算唔錯啦.....

WASBI 餅仔之感動

平時朝早返工太趕,所以通常係小巴先照照鏡.......琴日朝一打開手袋發現有半磅我最鍾意食既零食~~~WASBI 餅仔......好感動呀!我知道一定係媽咪買比我,佢仲偷偷地放係我手袋裡面.....佢成日都話食零食熱氣無益......但係就買比我...好感動呀!放工之後真係好想第一時間返屋企攬住佢.....MuM I LOVE YOU.....

貝拉夫人新寵兒~~~Yoda 大師

我係Yoda 呀!! 睇下佢幾識嘆!?


佢係唔係好靚仔呢??

今日收到瑪基一份好有意義既新年禮物!!!多謝你!!仲係沙田度過左一個愉快既下午......... ; )

Annual Dinner

琴日係公司一年一度既Annual Dinner,全公司放三點半. 我同一班姐妹放工後飛的去九展打雀局.....因為唔係好識打. 唯有在旁觀戰啦!打牌真係可以睇出一個人既真性情既...ring ring平時斯斯文文,四方城之下原形畢露!勁呀!葉太就時好時壞!杜麗莎就同平時做野一樣,愛麗斯夢遊仙境...慢!!最無變呢!就係娟娟啦!一樣傻大姐!!

六點半響起職工頭圍用膳鈴聲...入席啦!公司請左港姐朱凱婷同"最緊要正字"既王怡興做MC. 氣氛好好!I記仲帶住老闆鬼佬甄生過黎同我地祝酒....琴晚仲有唱歌比賽,扮野大賽等....娟娟話如果我係公司做夠十年上台o羅金牌既話!佢一定會上台獻花比我...十年太長遠啦!一班貨艙馬蘭勞係度鬥酒..我都飲左杯..勝既!個個都好High!最後仲有壓軸大抽獎...超級大獎係東京來回機票兩張...可惜琴晚與獎無緣.....但係都好開心...

可愛的兩小妹

真係好慶幸自己唔係獨生女.....因為我有兩個好可愛既妹妹. 係佢地領我唔會覺得寂寞.....雖然有時會鬧交..但係又帶比我好多歡樂.....dee dee你真係好可愛...當你學日本人唱歌既時候,真係好爆笑.....仲有阿二!!我o個日落床唔小心踩爆o左你新買既眼鏡.....你都無話我.....sorry & thanks...感激你地一直以來既支持同關心,仲有包容同愛心...... love you both......

前幾日係公司清理自己既file時,發現一份J先生之前寫比我既筆記.....其實一直都唔捨掉下...終於把心一橫,放落垃圾桶.....再見啦!Mr J.....

Leave me alone.......Please

點解你咁無品???我已經當你透明啦!!你仲想我掂呀!!我知道因為之前大家合作做o野有小小火花.......但係已經事過境遷啦....唔好再不自覺經過啦!無論你經過一千次一萬次都好......我對你既態度都係一樣......咁大個人都唔化!!!無論係真係假係玩o野都好....一開始就無結果.....放過我啦!!!每當我要忘記既時候,你又o黎.......好難受.....咁樣永遠都唔會好!!!希望過o左下星期,你得幸福後. 唔好再係咁!因為我唔想再做蠟像,任你觀賞!!如果你係因為欠我一句祝福,而不甘心......就送上我的祝福!!!