棉花糖的日記: 12月 2007

星期五, 12月 28, 2007

Mega Box

今日晏晝Lorraine約我放工之後去Mega Box行街街.. .. ..行Mega Box既好處就係地方大、少人行而且行得舒舒服服.. .. ..今晚收獲係B&Q買左一盞書臺燈同MAC LOOK一條頸錬.. .. ..

之後Lorraine請我到"魯一居"食飯.. .. ..

不願上鏡的Lorraine..

星期二, 12月 25, 2007

聖誕快樂2007'

今晚去左貝拉屋企歡度聖誕節!!我地買左KFC同Pizza Hut做晚餐.. .. ..飯後貝拉姐姐仲請我地去數碼港睇9:30由 Nicholas Cage做既"驚天奪寶：世紀秘冊"，都OK好睇!!多謝貝拉姐姐、貝拉同龍爺既靚靚聖誕禮物!!

Merry X'mas!!!

星期一, 12月 24, 2007

準媽媽Karen

今晚相約準媽媽Karen到官塘APM食飯。佢已經見肚啦！見佢常常摸住個肚，流露著一瞼幸福。真是令人羨慕啦！

棉花糖、Karen & Vincent

睇住佢地結婚到有BB.. .. .. 時間真係過得好快呀！

聖誕蠟像館

今日上晝棉花糖同媽咪、林Kai、林Dee係上環飲完茶之後。去左山頂杜莎夫人蠟像館參觀!!

媽咪和棉花糖

Kelly幾時再開演唱會呢???

Brad Pitt和我"情約今生"好嗎???

柏芝生完仲咁Fit既???

步姐咁似AV女郎既???

Michelle教我打功夫呀!!

永別的Luciano Pavarotti .. .. ..

不愛爸爸、不愛媽媽只愛毛主席.. .. ..

李生記得留港投資呀!!仲有無多個仔未結婚呀??

小平哥吸口煙啦!

領導人訪港.. .. ..

寶寶打返好條Tie啦!!

華仔.. .. .. 我的童年偶像。

新一代"肥邦女郎"

經典的Marilyn Monroe .. .. ..

明哥交個波比我啦!!

Liu Xiang 送個金牌比我呀！

I Love David Beckham .. .. ...

Tiger Woods教我打Golf呀！！

我係相撲手～～千代富士

拳王阿里打返場Thai拳啦！

Beatles影張合照啦！

猫王Elvis作首歌比我啦！

Beatles與串燒三姐妹。

棉花糖要登基啦！女王都要行開D.. .. ..

串燒三姐妹.. .. ..祝大家聖誕快樂！

四個女人大合照。今日大家都好開心呀！yeah!!

星期六, 12月 22, 2007

冬至快樂

今晚屋企做冬，一家人去香港仔食飯。好開心.. .. ..

有燒味拼盤.. .. ..

林Dee仲返黎過冬.. .. ..

飯後仲去行街街.. .. ..嗚鳴.. .. ..我被空襲!!!

串燒三姐妹.....

聖誕節.. .. ..預備中

今晚相約Jo仔到銅鑼灣食飯預祝聖誕節.. .. ..

我還為親愛的家人及朋友選購聖誕禮物.. .. ..希望你們會喜歡啦!!

星期一, 12月 17, 2007

緣份

緣份這東西.. .. ..

今天放工一如以往走到小巴站.. .. ..途經報紙攤，都會慣常看看。誰知回頭一看便是你.. .. ..真的巧合.. .. ..曾在某些年頭，很希望和你有這樣的偶遇.. .. ..緣份這東西真的很愛玩弄人!!

還好，今天一遇便知道我已經病好了!!原來我和你真的沒緣份!!

就像"落花流水".. .. ..

星期五, 12月 14, 2007

快樂的政治飯

今晚同全team十個人去APM潮樓食飯。飯前我同娟娟仲去左官塘批發店買零食，買到唔捨得走。本來諗住餐飯好悶，仲怕老X婆係都攪攪震!!但係出乎意料之外咁開心，大家大談湊仔經。又向排骨八下公司搬遷既野!!真係好開心!!!

終於明白點解佢地會係公司做咁耐!!

星期四, 12月 13, 2007

我要當契媽

Karen今晚打比我，話佢出年六月要當媽媽啦！好開心呀！真係恭喜你地(Karen & Vincent)!我仲應承聖誕假期會去將軍澳探佢地！嘻嘻！Karen話佢已經開始見肚啦！希望BB係媽媽肚裡面健康成長啦！

期待與妳見面！！

今日去開會話18-21號有一個"Angel Helper"既計劃。係要我地Office既同事（不論大小，男士除外）落去Dept Store或者Boutique當counter girl四粒鐘。表面就係想我地體驗下前線同事既工作同流程，但係實質就係要我地昅下d女仔既表現。之後comment同填返feedback form比公司.. .. ..

今日我地仲上左training，教我地點樣掛下Bra呀、幫下手呀（行行企企）！講真企counter我都係第一次，希望唔好愈幫愈忙啦！我揀左20號去先施中環.. .. ..20號可以10點返Office下晝2點去先施中環，３點至7點就變成＂落入先施的天使＂！如果見到棉花糖唔好出奇呀！

當係生活體驗！！

號外：

公司已經決定出年六月會搬去九龍灣Mega Box隔離既商業大廈(一號九龍)呀！