感冒

本來以為自己感冒已經完全痊癒。但今天又遇上那陣風，結果又著涼了。如果不是遇上那陣風，又怎會知道原來自己病得那麼重??一直高估了自己的自癒能力，其實不堪一擊。

放工後去＂提款機＂提款，竟按錯三次密碼.........結果提款卡被＂提款機＂吃掉了（第一次發生這回事）!唉......不明白為什麼那陣風對我還有這麼大影響力?????

原來一直死撐著....就好像一個＂酒鬼＂飲醉酒，明明已經吐滿一地。還繼續死撐嚷著＂我無醉!!!!"今天我便是那個＂酒鬼＂。

卡拉之友

今晚表姐慧慧約左我去卡拉OK...我們一個月一次的聚會!可惜聽日要返工，所以十點半就散Band!未能盡興.....

慧慧希望你可以身體健康!大家繼續唱K........



她送給我的禮物...



是Snoopy.....

觸不到的戀人 - Must Say Goodbye

"觸不到的戀人" 是我多年來都十分喜歡的電影.........

星期日檔案 ~ 三根指頭

琴晚睇左星期日檔案 "三根指頭"呢個單元好感動。

黃愛恩因母親懷孕時患上德國痳疹，出生時手指不全，經無數次矯形手術仍無法治好。她沒有因為自己十指不全而放棄，反而毅然地決定去學鋼琴，在學習過程中她曾經歷多少的艱辛。但因著對音樂的熱愛，在五年內考到八級鋼琴。最後還考取到獎學金，遠赴美國攻讀民族音樂博士學位。

健全的我們每天還在埋怨生活上種種的不如意，但黃愛恩努力征服88塊琴鍵，超越了自身的種種限制，追尋屬於自己的夢想。

「因為手指的缺欠，許多樂曲我們彈不了﹔但專注感情的表達，短處也可以變長處。」黃愛恩說。

DEATH NOTE

死亡筆記 是世上最強的殺人武器....只要一個人的名字被寫在筆記上，40秒後就會突然死亡。



擁有"它"你會比死神更可怕!!!!!!



如能擁有"它"，你會怎樣做??????????

Good Luck! My Baby Sister

今日同老媽子和林Dee去左灣仔飲茶。飲完茶之後就去左CB，幫林Dee買部Notebook開學用。最後買左部HP 520....之後再去＂宜家傢俬＂買一些林Dee住宿舍o既用品。有書臺燈、鏡、暖水壺....真係好似要搬一個家入去咁。好彩都差不多買齊啦!

其實大家都有D唔捨得佢....因為九月佢就會搬入宿舍住，大家就會少見面啦!佢話驚唔慣，因為由細到大都無離開過屋企自己生活。老實講呀!我都有D唔捨得佢!不過我明白人總要成長，學識獨立。

林Dee你放心展翅高飛啦!累o既時候就返o黎，屋企人永遠都會支持你!^_^


都好耐無飲茶啦!


就係呢部Notebook啦!

林Dee與可愛媽子

口水達

娟娟做鞋記

今晚放工同娟娟去左CB耀華街一間叫"Shoe girl" o既鞋舖做鞋。由於娟娟對腳比較大好難買到合適o既鞋，而最近佢係雜誌睇到有地方做鞋。緊係第一時間叫我陪佢去睇下啦!希望佢可以擺脫成日著波鞋o既命運。



終於我地都搵到間鞋舖，原來就係時代後面。

佢終於搵到心水o既鞋款，不過都要訂做。要兩個星期先有得攞!

希望對鞋真係適合佢啦!

之後去左強記食越南粉。

"戰狼300" 又名 "健美男子300"

今日下晝睇o左哥斯"爸"租返來的"戰狼300"正!正!正!呀!!!男主角係做"The Phantom of the Opera" (我的最愛)o既Gerard Butler.....Oh!!My God....

昔日深情o既Mr Phantom化身成心口有六舊腹肌o既雷奧尼達王率領心口有個"勇"字同六舊腹肌o既300個斯巴達戰士(健美男子)，對抗薛西斯王(泰泰人妖 or SM王子)及其千萬波斯大軍(一班怪物).....

嘩!!睇到我同林Kai嘩!嘩!嘩!可惜最後"健美男子300"比駝背佬出賣......剩下 300個 - 299個 = 1個 (單眼健美男子)。其餘299個健美男子落曬地府開餐.....不過佢地為o左捍衛斯巴達o既尊嚴而戰，成功留名後世.......


衝呀!!!!!!!!!!!!(後面298個健美男子"目訓"曬落地)


雷奧尼達王同泰泰人妖 or SM王子(林Kai話佢似蔡x傑)講數....



深情o既Mr Phantom......

好大隻呀!!!!!!! 好型呀!!!!

遲來的生日晚飯

今晚棋棋約左我補祝生日(上星期已約好了)......佢帶左我去時代o既"California Plzza Kitchen"食飯。食物好美味，仲好飽呀!!!


時代廣場食通天13/F


芝士味好濃郁o既闊麵....好Creamy!!!



燒雞Plzza，好正!!*****推介

棋棋送給我的生日禮物....我諗我會唔捨得用!!多謝你!

給棋棋的話 :

請不要介意我對你的事那麼緊張，我只是出於關心!!經過今晚長談後，明白朋友之間都需要有空間。只要知道你生活愉快和安好便足夠啦!請別怪我由細到大喜怒形於色和那婆婆媽媽的性格......多謝你一直在我身邊o既包容和忍耐!!!我會為你祈禱!!

感謝一直係棉花糖身邊o既每一位好朋友!!(我知好"老肚"，但都要感謝!!)

自我警惕

最近整理一些舊相片時，發現左一本三年前o既舊相簿.......發現當時o既我真係好肥......肥得好誇張!我都唔知點解當時會自暴自棄成咁.......睇返呢D相就會提醒自己唔好再走回頭路，要注重飲食、同運動......

當時無論咩天氣都會著住黑色外套....遮掩自己龐大o既身軀!
佢地話我似肥婆奶奶!!

現在的我雖然唔算瘦，但已經比三年前輕型了很多。

我會繼續努力......加油!!

14才の母

最近每逄星期一晚都會乖乖地留係屋企睇明珠台播o既"14歲的媽媽"。主角係之前做"女王的教室"o既志田未來...

故事講述志田飾演的平凡14歲中二學生未希，與年長一歲的初戀男友發生一次性行為而懷孕。雖 然男友逃之夭夭，又遭到學校與家人的反對，但未希仍決心要將 BB生下來。

睇完之後林Dee問我 : 如果你係未希媽媽會點?我可能唔會好似劇中o既媽媽咁冷靜.....不過我都會叫佢放棄o個BB......因為佢只得14歲，係一個唔適合o既年齡、未成熟o既心智下生BB對佢地兩個都唔公平.....佢將來一定會後悔。

我咁大個都覺得生BB要好好考慮同計劃，更何況得14歲......我覺得生BB要好偉大，一定要將最好o既東西(愛心、時間、供書教學...)一切最好比佢，甚至要放棄自己好多o野......我唔知佢將來會唔會成才，但我要佢係最好o既環境下成長......所謂養兒一百歲，長憂九十九...

不過學劇中未希媽媽講 : 自己o既出生係為o左帶另一個生命來到這個世界!!如果呢個生命注定要來臨o既話!我相信我們一定會相遇...........

溫馨火鍋

星期六去o左好姐妹貝拉和龍爺屋企打邊爐。佢地預備o左好多靚料打邊爐有象拔蚌、鮮蝦、爆醬芝士丸、肥牛等等.......食完之後仲一齊睇爆笑"港男show"。大家仲睇到笑爆咀......



溫馨火鍋，好溫暖呀!!





多謝貝拉和龍爺送給我的生日禮物......很漂亮的頸鍊呀!!

棉花糖好鍾意呀!!

童年的棉花糖

買o左部Canon MP16 Photo all-in-one 咁耐都無真正用過......今日心血來潮試試用來Scan o的陳年舊照，果然好掂呀!!其實以下的照片已經開始發黃啦.......

我(發呆.....)和傻表哥(像個西瓜波，可惜不是橙色)....

哥斯"爸"和我在祖母家留影，而右邊的小女孩現已成為人母.....

三歲時固執的我，穿著哥斯"爸"買給我的裙子.......

媽媽與我，在維園留影.....

小時候的稚氣, 勇氣，去到那裡呢??


很喜歡的一張相，可惜不小心給士多啤梨弄髒了......

在掛八號風球下過生日

本來計劃好今日去慶祝棉花糖28歲生日........結果???????打風囉!!超掃興囉!!白白浪費o左半日假囉!!o個friend 原本請o左半日假陪我，結果失望而回屯門........佢話我應該買六合彩，起碼會中三獎!!哈哈....幾好笑呀!!

結果我帶住半打蛋撻呆等左一個鐘頭小巴返屋企..........唉........帕布我記住你!!!

人地話婚禮愈糟糕，段婚姻愈長久!!咁今年我生日咁黑，今年會唔會過得愈好呢???

Anyway the show must go on.......

Happy Birthday to myself!!!

P.S. 超感謝一直係棉花糖身邊的朋友 & SMS...

阿里朗

今晚Jo仔和我預祝生日!去o左時代廣場o既"阿里朗"食韓國o野.....聽Jo仔講"阿里朗"其實係一首韓文歌。韓國人會係食飯前唱!!

煎餃子

炒年糕

石頭鍋飯

最後仲收到佢送比我的生日禮物........."go map seom mi da" (謝謝)

五星級大鼠(Ratatouille)

今日下晝去o左數碼港睇<<五星級大鼠>>。超好睇呀呀呀....可惜就係Miss o左15分鐘，因為係CB等唔到車......真係想睇多次。好耐無睇過令人回心微笑o既電影啦!!!









棉花糖後記 :

想唔到小小老鼠都有大大o既志願就係成為五星級大廚!!只要堅持自己o既理想，唔放棄.......最終一定會成功和遇到欣賞自己o既人!!那怕自己是幾渺小，幾咁唔起眼.......

學戲裡面o既廚神話"人人都可以成為大廚!!!"

一個橙的故事

正所謂三歲定八十.....我的性格從小到大都沒什麼大改變，一樣執著。還記得三歲的時候，哥斯"爸"帶我到醫院探望剛出世的林Kai。臨走的時候媽媽給我一個橙，要我好好拿著!之後哥斯"爸"抱著我乘的士回家.....不經不覺我便在車裏睡著了。

回到家後，竟發現媽媽給我的那個橙不見了!!我便大吵大鬧......後來爺爺給我另一個橙代替，但都沒有用。我還是哭著堅持找回那個橙!!到現在媽媽偶然還會提起這件陳年舊事.......像要告訴我，我便是這麼執著的一個人。



我不知道執著是不是好事，但就是這份執著令我活到現在!

寂寞的車廂

今日本來plan好同同事去做瑜珈。點知臨放工就出事啦!一個不責任o既上司, 一句不責任o既說話。結果留下我OT執手尾，人地o既鑊由我來補???唉...勁無奈!!好嬲呀呀呀呀......


好彩娟娟夠義氣等我一齊放工，結果一齊去食飯!!大家傾o左好耐!之後一個人去o左搭地鐵.....


今晚地鐵車廂好靜....腦海浮現出一個問題"做人其實都幾無奈??"就好似呢班車咁!重重複複......每天都無奈地走著既定o既路程...來來回回.....有時又好似一幅唔完整o既砌圖，永遠都少了一塊。永遠都有一個缺口.....


究竟係唔係要擁有全世界，才能將呢個缺口填補呢???或者有一日呢塊砌圖係梳化底搵返，將呢幅砌圖變得完整!!!!!!!