14才の母

最近每逄星期一晚都會乖乖地留係屋企睇明珠台播o既"14歲的媽媽"。主角係之前做"女王的教室"o既志田未來...

故事講述志田飾演的平凡14歲中二學生未希，與年長一歲的初戀男友發生一次性行為而懷孕。雖 然男友逃之夭夭，又遭到學校與家人的反對，但未希仍決心要將 BB生下來。

睇完之後林Dee問我 : 如果你係未希媽媽會點?我可能唔會好似劇中o既媽媽咁冷靜.....不過我都會叫佢放棄o個BB......因為佢只得14歲，係一個唔適合o既年齡、未成熟o既心智下生BB對佢地兩個都唔公平.....佢將來一定會後悔。

我咁大個都覺得生BB要好好考慮同計劃，更何況得14歲......我覺得生BB要好偉大，一定要將最好o既東西(愛心、時間、供書教學...)一切最好比佢，甚至要放棄自己好多o野......我唔知佢將來會唔會成才，但我要佢係最好o既環境下成長......所謂養兒一百歲，長憂九十九...

不過學劇中未希媽媽講 : 自己o既出生係為o左帶另一個生命來到這個世界!!如果呢個生命注定要來臨o既話!我相信我們一定會相遇...........