她的故事@泰簡單

星期三晚同馮同學試左泰簡單........


泰簡單的menu.......


清新的柚子沙拉.....酸酸地好開胃呀!!


泰式蝦多士......

黃金袋......味道有點似炸雲吞!!

海鮮菠蘿炒飯...

席間馮同學同我分享了一個"她的故事"......

一個令我訝然的故事.....

她輕描淡寫的道出來.........

希望她能夠努力面前，忘記過去.......

衷心送上我的祝福........

來電

星期六和今天都收到他的SMS和來電........

內容大概是想約我食飯，我也沒有應承.....

他說 : 星期三開始要輪班，之後一個月不見天日.....想在這兩天見個面!!!五號又是他生日......(為什麼男生總喜歡告訴我他的生日???想起了....)

最後我還是說很忙改天吧......收線後有一點點內疚，其實只不過是一餐飯，為什麼不輕輕鬆鬆應約呢??我也不知道為什麼??

我常常聽到陳奕迅的一首歌"我不好愛"其中幾句歌詞 .... ....

沒幾多奇蹟可盼待在世間　千萬人　億萬人
有一些人卻 實在不適合被寵愛

我　又憤怒　又脆弱　固執不會改
怕　被冷落　卻不肯接待
給　你寵愛　這戀愛　愛不出未來
大概都是　我不好愛

就算你　吞下來　忍下來
有一些人卻 永遠不適合被深愛


或者我就是那個不適合被深愛的人........

又或者能令我心動的還沒有出現....

又或者我太眷戀我的單人床..........

舊東西.... ...

由於聽日換水管的關係，所以今日下畫要幫林太搬開D櫃.......無意中打開了一個多年來都無打開的抽屜。走進了時光隊道 ........

抽屜中發現了很多舊東西.. .. ..一些很值得懷念的時光... .. .. ..舊相、舊學生証、舊信、舊戲票、舊日記....一些久違的記憶，一湧而至... ...

地下鐵學生乘車証........

舊學生相.......

兩張林生比我的$5紙........

一堆舊演唱會飛同戲票.........

全都是我的見証......

週末K一K

今日下晝同瑪基去唱K.....兩個大唔透!!!!

棉花糖的"世上只有"

之後去左食車仔麵，不過味道麻麻地，都應該唔再幫襯!!!

送左瑪基去搭車之後，自己去左SHOPPING....

係ZARA出了血，不過我好鍾意條裙，果款簡簡單單...

三號風球下的週末

今日掛起三號風球，但都無損棉花糖行街的興致!!!相約天使到朗豪坊行街街....


我地先去飲珍珠奶茶.....


我係Venilla Suite見到對鞋好靚呀!!可惜好貴呀!!最終都係無買到......


天使肥左又靚左......

天使帶我到佢o既新居，地方唔錯呀!!位置靜中帶旺.....

我很喜歡她家裡的小露台.....

永遠的利東街

唔講大家唔知，棉花糖係七歲之前就係住係灣仔利東街(又名喜帖街)....今日棉花糖舊地重遊，現在的利東街變成面目全非，滿目瘡痍。剩下來的只有厚厚的圍板和我腦海內的點點記憶........


還記得每逄經過利東街都會傳來陣陣的印刷味道.....


圍板後面就是我們住的唐樓位置，現在唐樓已經唔再存在.......還記得唐樓o既左手面地下有檔買麻雀o既檔口，檔口內放著五顏六色的麻雀......


小時侯的我和林Kai兩隻小混混，喜歡在屋內到處倒蛋.........


唐樓的對面位置，現在已變成Pacific Coffee.....從前在門口的位置有位滿頭白髮的乞丐在那兒露宿。媽媽還會將剩下來的飯菜送給他......


我相信那兒唯一沒有變，就是第一個教我讀書寫字的地方"灣仔堂幼稚園"...

班主任楊老師....棉花糖呢??

其實還有很多回憶 :

兩袖清風的爺爺帶我去吃魚旦粉，還有他中了六合彩三獎送給我的第一部單車.......可惜他也離我們而去.....

要用手拉的電梯Lift門........

每晚晚飯後爸爸都會帶著我們到對面的合和中心散步..........

棉花糖後記 :

今次舊地重遊，見到面目全非的利東街，一個曾經孕育過我的地方，心很酸.......令我明白到所有的人和事，都唔會無條件咁永遠留係自己身邊......這一分鐘、一秒隨時成為下一刻的歷史和回憶!!無論利東街將來會發展成甲級商業大廈又或者幾十層高的酒店也好，whatever.......

利東街永遠都會是我們的利東街.......

Fat Angelo's

今晚相約Jo仔食飯，本來想去試下新開果間叫"泰簡單"o既泰國菜館。可惜門口的泰國侍應話walk in要等四十五分鐘呀!!嘩!!我地緊係唔等啦...立即轉移陣地到Fat Angelo's !!點知錯有錯著出奇地好味道.......


先來一客清新的沙律.....


誠意推介白汁硯肉意粉....超好味!!

Jo仔我地下次一定要預早訂位，試下果間"泰簡單"味道係唔係真係唔簡單........

林Kai生日快樂!!!

林Kai 17號就2?歲生日，所以我地同佢去灣仔食韓燒慶祝......


我地似唔似呢??


差不多幾十歲人仲常常在父母身邊....但棉花糖十分享受呀!!


壽星女祝你工作愉快 & 身體健康!!!

希望豆豆隻腳快d好返...兩老身體健康!!

今晚好開心呀，大家一齊分享小時候係灣仔住的生活點滴。

林Dee由於係宿舍，唔好嬲呀!下次補返......

應約

今晚終於應約與他吃了晚飯......

席間發覺自己變得十分健談，大概與他相處沒有什麼壓力吧!!

我沒有應承與他星期日去唱K.....

最後我們在尖沙咀地下鐵站分開.....

Happy Sunday..

今日約左棋棋去行街街，諗諗下我地都好耐無係星期日一齊行街啦!!我地去左Italian Tomato食有Cake o既Set Lunch....

之後係銅鑼灣行下咁啦!!四點幾去左Pacific Coffee飲野!!



一杯Cappuccino、一樽Orange Juice

一對老朋友......

一段段最親切的閒話家常.......

最後六點許，棋棋送我到小巴站...........

棉花糖今天很滿足、很愉快，好像忘記了很多煩惱.......

Thanks for giving me a wonderful Sunday..........

在愛中修行

上次係書城買了一本書"在愛中修行"提到的一段 :

所有的情緣都是賺回來的，即使是最創傷的經歷，也有正面的信息。

所謂尋找另一半，大概是生命走得太累了，借助尋找別人的忙碌，

可以暫時忘記面對自己的疲累。

最近有兩位朋友不約而同對棉花糖說決定搬出來和自己喜歡的人組織一個家!!朋友A說係時候改變生活方式，而朋友B雖然有點兒不習慣居住環境，但每晚當她吃到自己喜歡的人為自己準備的晚餐時，我相信她總是甜在心頭....或許她們真的累了!!

愛一個人真的需要很大勇氣......像一場賭博!!其實有時我也累透了，可惜可以令我沽注一擲"ALL IN"的人還未出現.....可能是我太膽小、太執著了!!我相信我還要拖著"沈重"的身軀走多幾里路吧!!

但我仍然會默默守候，等待葡萄成熟時，和遠在天邊的那個他分享甜美的純酒.....

Cheers......

Cath Kidston from London

Tra Tra 去完歐洲旅行返o黍......佢係London買左個Cath Kidston Carry-all bag比我。真係好多謝佢!!

第一次北望神州

棉花糖終於係清明節第一次踏足神州大地，跟貝拉同龍爺返深圳觀瀾祭祖........

棉花糖手上的酬碼係地鐵車票o黎o架......

我地住的三九酒店......

好友們以後唔好再串棉花糖唔係"香港人"啦!!因為一咭在手，神州大地任我行.....

我地仲去左福田o既書城......之後去嘆下午茶!!!

棉花糖後記 :

以前聽到"大陸"兩個字都敬而遠之，因為聽到好多負面新聞.....其實有好多o野一定要自己親身經歷先會了解........經過今次遊歷之後，中國比我想像中先進好多!!!我相信有一天"她"一定會走在最前成為強國.......

今次要感謝陳氏伉儷、陳世伯及其家人熱情的款待......令棉花糖有一次難忘的遊歷!!!

Strawberry........

今晚做完運動之後，去左行Sogo.....由於多年前的一個韓國旅行，知道韓國士多啤梨有保証"好味"!!所以買了一盒........


雖然貴左少少......


粒粒都好大粒架!! Hi 士多啤梨妹妹!!



好香呀.....流曬口水啦......

哈哈........

好甜呀!好多汁!!食完手指仲留有淡淡o既士多啤梨味!!!Yeah....