再見2006

今日係2006年12月31日. 就讓我回憶一下今年所發生過既一些事情啦.......


建立信仰


今年3月開始返o左窩褔堂!認識o左神,建立o左信仰!


GET A LIFE 演唱會


今年3月睇o左Eason既GET A LIFE演唱會!係我覺得最精彩既演唱會 !


第一次與媽咪的泰國之旅



今年5月終於完成o左媽咪既心願...同佢去o左泰國5天之旅. 佢都係第一次坐飛機...



準備做伴娘

今年約 6-7月接到貝拉夫人知道佢龍爺結婚啦!我負責做伴娘.....一直忙著keep fit,伴娘裙,鞋,髮型,披肩,內衣,小手袋等等......


泰拳



因為做伴娘要keep fit,所以去o左尖沙咀學泰拳...一打就打o左半年啦!我要一直keep 住運動.....



歌聲魅影

今年8月歌聲魅影係香港文化中心上演!我d個超級粉絲,緊係同我兩個志同道合既妹妹去睇啦!


一場誤會

一件事終於可以係2006年尾結束.....d件事其實幫助我成長........原來我唔係白雪公主....anyway show must go on........

九型人格測驗

做了一個關於九型人格測驗 http://geocities.com/gadogry/e_test1.html

我的測驗結果：
第一型（改革型）: 3分
第二型（付出型）: 5分
第三型（成就型）: 2分
第四型（自我型）: 5分
第五型（思考型）: 5分
第六型（忠誠型）: 4分
第七型（活躍型）: 3分
第八型（挑戰型）: 2分
第九型（平和型）: 6分

以下是我得分最高的類型!!朋友們這人格似我嗎???

第九型 -- 平和型~~~ 隨和豁達, 樂天知命

表面抽離﹐卻在內裡需要認同﹐形成了第九型隨波逐流的本性。他們會抽離自己﹐儘量避免衝突﹐務求保持和諧的氣氛﹐從而得到別人接納。第九型的人平靜詳和﹐被動﹐漠然﹐感受力強。他們會為身邊每個人營造安寧詳和的氣氛﹐讓人覺得安心可靠。他們很害怕衝突﹐有時他們會因為不惜代價地維持和平﹐而無法發展出獨立個體的功能。拒絕正視問題的存在﹐使他們脫離真實世界。他們也通常顯得懮柔寡斷﹐因為他們怕表明立場後會被否定。有耐性﹐好脾氣﹐不自誇﹐不自私﹔第九型的人通常都是個大好人。但他們也會為了順應別人而太調整自己﹐接受傳統角色與期望﹐被動﹐得過且過﹐為了緩和對立而粉飾問題﹔聽天由命﹐認為自己不能做什麼﹐怠慢疏忽。不健康的第九型可能會變成多重人格﹐又依賴又迴避。

最渴望﹕和洽相處
最恐懼﹕有紛爭,有衝突
最難達到的美德﹕果斷 (Right action)
最難克服的執念﹕懶惰 (Sloth)

以後懂得和我相處啦!

跟第九型的人相處...
1. 不要迫他們作決定或表明立場。例如不要迫他們在人際衝突中表態幫哪一方。
2. 不要在他們面前太勤奮的工作﹐或者讓他們感覺你和他一起時很沉悶﹐這樣很傷他們自尊心。
3. 他們很順從慣性定律﹐開始了的習慣很難改變。你可以利用這一點來幫助他們建立一些良好的習慣。
4. 他們比較慢熱﹐所以和他們建立關係要花點耐性。別太快以為他對你沒興趣﹐很可能是他不敢/不懂表達自己而已。


以下是我得分最低的類型!!我真的沒有以下的人格嗎???

第八型 -- 挑戰型~~ 權威自信, 敢作敢為

深層動機和表面形態都是對抗﹐再加上激烈的應對手法﹐形成第八型獨立﹐火爆的特性。他們追求權力﹐而會透過鋤強扶弱來證明自己的能力。第八型的人有自信﹐強悍﹐鬥志旺盛﹐有無比勇氣及領導才能。很會鼓舞他人﹐受人尊敬。他們喜歡控制環境﹐卻只追求私利。一般第八型人都比較不尊重他人的權利與需求。他們會為了自己而脅迫他人﹐喜歡與人對質﹐又衝動又好戰﹐所以容易樹立敵人。他們很有權威性和支配性﹐能為人奮戰﹐保衛他人。但不健康的第八型會顯得任性﹐殘暴﹐沒同情心﹐獨裁﹔有誇大狂傾向﹐對不順己意者殘忍地迫害﹔復仇心重﹐暴力﹐粗野﹐凶殘。

最渴望﹕控制掌握一切﹐當家作主
最恐懼﹕屈服於人
最難達到的美德﹕純真 (Innocence)
最難克服的執念﹕縱慾 (Lust)

有興趣既話你都做下測驗啦!話唔定你會了解自己多d...我就覺得幾準啦!!

我的伴娘裙

話咁快聖誕節假期已經差不多放完啦~~好似無放過咁~~今日下晝去o左中環fitting我件伴娘裙.......條裙係香檳金色!!簡簡單單.....都唔錯!!以我咁大件o既身形o黎講.....都算著得唔錯啦!!不過條裙都仲有小小修改....所以遲d先pick up...今次真係好多謝私人胸間o既Eva,佢真係超好人!!好細心..手工好好!!佢仲幫我將一個金色蝴蝶結釘係我件白色毛毛披肩上面，襯返條伴娘裙啊！佢仲叫我將來結婚一定要搵佢做婚紗同晚裝喎！我就話~有機會一定會！！

今晚同琪琪去o左食壽司!真係好肥美o既三文魚同帶子....仲有炸蠔壽司!!!好好味!!好飽呀!!!琪琪送o左一盒mary's o既朱古力比我. o個盒好精緻o架!仲有一支jurlique o既lavender hand cream 夠曬香啦!!thanks so much!!

直板~朱莉安娜

琴日去o左尖沙咀整頭髮....足足坐o左六個鐘...將keep o左好耐o既曲髮變直...好學生妹....媽咪話我好似細個o左好多!!!或者係唔慣啦.....但係有改變係好o既...

之後約o左貝拉夫人伉儷...去o左佢地o既安樂窩!!買o左KFC食..好豐富!!!之後龍爺仲落去買雪糕..........我地仲一齊睇恐懼密室2..雖然套戲有d驚嚇......但係佢地o既安樂窩實在太溫暖啦!!!所以一d都唔驚!!貝拉夫人仲送o左一份又香又甜o既聖誕禮物比我!!多謝您**貝貝**因為我知道你一直而來都好錫我!!其實能夠識到您已經係一份最好o既禮物...我們盡在不言中啦!!送上我最最最...衷心o既祝福!!記住呀!您同龍爺要為您地o既安樂窩努力呀!!GO GO GO....

一場大交

今晚同老媽子鬧o左一場交!!真係好激氣!!佢愈來愈懶......佢唔做o野ok..無問題...佢唔煮飯..都ok...fine...但係今日阿妹唔舒服....學校打去屋企搵唔到佢..之後打比我話阿妹要早退......問老媽子~~原來佢唔聽電話...激死...如果有咩急事搵佢點算呢??兩公婆一擔擔~~死撐....有時覺得自己係唔係由細到大太過聽話,太過寵佢,唔識反抗.......佢地就好似跌o左落去安全網裡面,無危機感...從來無為自己打算...有日過日...原地踏步......我而家就話仲有能力.....將來點呢????我真係唔敢o念啦!!!!唯有希望自己可以長命o的....

或者我未做過人父母...我唔明白佢地o既心態...或者我o的一世都唔會明......對唔住...其實我都唔想同您鬧交.....

喉嚨發炎

我病了!琴日喉嚨痛到爆.....終於捱到今日lunch去o左apm睇醫生.....係喉嚨發炎!食o左藥......呆呆滯滯.....連公司大平買都無心機睇........有時覺得自己好唔聽話,放工返到屋企仲食卡樂B蝦條.....真係唔掂!!

好唔鍾意天氣咁凍,因為人特別容易多愁善感....加上唔舒服.....o的d天氣會領我o念起韓國首爾...好傷感.....多年前o既一個旅行...飄雪，士多啤梨，明洞，機票.....仲有天國的階梯o既車誠俊同韓靜書......

三年一聚

琴晚約o左一班舊同事, 一行八人去o左美麗華一間叫Samba o既餐廳食西餐!我叫一個有三個頭盤一個主菜o既set!頭盤o既焗蟹蓋好好味!主菜係肉眼扒,都ok啦!不過龍蝦湯就差o左小小啦...最後仲有朱古力同火焰雪糕蛋榚~~掂呀!好耐無試過咁豐富啦!不經不覺走o左三年,個個都無咩改變!都keep得好好...最後我地仲玩交換禮物...我抽到一支Crabtree & Evelyn o既Bath & Shower Gel仲係我最鍾意o既Lavender味呀!好滿足!Thank you everybody!!仲有呀!佢地都覺得我瘦o左!皮膚好o左!我o念我要再努力啦!

琴晚仲收到Jo仔係北海道帶返o黎o既一盒白之戀人朱古力!好好味!!多謝曬!!!^-^

有o的o野好唔鍾意自己....

友情無價

今晚同琪琪打完Thai-boxing,之後去o左新港食o野...不經不覺我同琪琪已經識o左差不多十七,八年啦!無記錯o既話係小學五年班開始同班,之後秋季旅行去o左九龍公園!我地就開始一齊玩啦!真係好開心,大家仲可以咁好朋友!好難得!係你陪著我成長......當時我屋企環境唔好......但係你都不離不棄...真係要衷心說聲"多謝"!!

我相信朋友就好似儲豬仔錢箱一樣!要每日儲蓄.......到老o左之後,就可以約番一班多年好友出o黎飲o下茶暢談一番.....所以我會好珍惜係我身邊o既每一位好朋友...感謝您們每一位....

係度送上我衷心o既祝福同感謝.......love u all!　

可愛的士多啤梨 BB

新發現呀!上次貝拉夫人送比我o既一罐士多啤梨,終於長出芽啦!好得意....真係無o念過佢會種到呀!希望佢快D快高長大啦......再一次多謝貝拉夫人...

琴晚同老媽子,仲有二妹去o左香港仔珊瑚堡食飯!都ok.... 裝修都唔錯!之後去o左曰本城買o左個四層o既鞋箱!終於解決o左一直以來o既問題,將堆積如山o既鞋(s)...搵o左個安樂窩!門口變得整齊曬啦!大家都好開心......我以後要盡量買少D鞋啦.....留意係*盡量*:p

真係唔好意思!因為上次o既blog而領到瑪基你擔心......衷心o既唔好意思同真心感激你o既意見....放心啦!我只係有感而發...唔好擔心.....

你今日點解要坐係度呢??怪人..怪行為...... 扮好人....虛偽!!!

隆重介紹~~絕世好狗

今日要為大家介紹一隻絕世好狗!原來o的個世界裡面有好多好多狗,會為o左自己o既一啖飯...去出賣你!小妹今日終於有深切o既體會........我只係想同你講.....你要做狗,我唔會阻止你GO AHEAD!!!GO GO GO.....不過我唔係狗,更加唔係貢品,禮物.......我唔可以比你拿去討好或者擦鞋某人,而保著你個飯碗.......我o念好快又係時候來一個了斷!都好將所有o野一刀了斷.......討厭o既香水味.......

曾經以為自己好幸福.....終於可以好似雀仔築巢安定落o黎.......原來只係自己一廂情願......好多o野都係一廂情願.....由頭到尾都無行過.....又返回起點....只怪自己太天真!原來做好人唔會有好報.....一定唔好做好人!我都唔知仲可以係咁o既環境生存幾耐......真係唔知?????

發o左好多牢騷,我o念夠啦!希望無嚇親大家!!是褔不是禍,是禍避不過.......生日快樂呀!ring ring!我知道你同我一樣受苦...加油呀!!李香琴!!

仲有你呀!!望望望...都唔知你望咩!衰神...

命運自選台...........Click

今日無返church...落o左CB做treatment!白等o左半個鐘!激死......不過已經當場教訓o左o個個staff,算啦!好在Emily o既手勢真係好好.........領我訓到醉生夢醒!!

尋日睇o左Adam做o既命運自選台,講佢得到一個神奇remote!之後開始遙控人生,個remote可以skips o左時間,時光倒流..最後Adam先發現自己錯過o左好多人生最美好o既點滴!!係一套好發人心醒o既電影...唔錯!!

經典的史堤芬周

今日因為唔係好舒服,所以沒去到打Thai-Boxing!!要琪琪自己一個人去,真係唔好意思!!一個人返o左屋企煮米粉食,然後煲o左隻"食神"!睇返依然覺得好爆笑!!八兩金o既對白"爆醬瀨尿牛丸",真係一絕!仲有莫文尉o既飲歌"情與義 值千金".....周星馳真係無厘頭.....不過又真係比o左好多唔駛用腦o既娛樂我地o既!!

今日終於係入面做o左一星期啦!不過我知道好戲在後頭.........

又見到唔應該見o既o野.......要洗眼......

隔離屋的三寸釘

今朝出門口o既時候,見到隔離屋o個個o靚仔...而家o的細路唔見一排,真係大得好快!差o的唔認得...高大o左好多,我o念佢已經到我耳仔咁高啦~仲記得大約上年夏天,佢個三寸釘老豆幫佢係走廊強行剪頭髮o既經典爆笑場面~至今仲歷歷在目.....當時佢仲係一個豆釘!!估唔到而家已經長大啦!我o念佢唔會係三寸釘掛!可能唔係佢大得快,而係我老o左啦~~~

又見到你~~點解你無處不在?????????


我的生存之道

我決心 喜歡你 像親人
唯一得知想法應付 逝去情人

如你結婚 別過問 恭喜咀咒也未襯
這種命運 遲早光臨 逃命要緊

*(仍)沒法可哭出姻緣 終可笑去憂怨
如我想清醒再生存 醉一次便算

我有爸媽掛念 事業還望發展
仍能活著未曾靠諾言
記憶似病發感染 心卻比水善變
再也不相信蜜糖 便信鹽

我怕爸媽掛住 莫被情字拖欠
遺忘昨日便能記得明天
世間有無數喜宴 情人誰來奉獻
我有膽 總應該會遇見

你間中 接觸我 像親人
唯一得肯親我臉旁 令我回魂

repeat*

念舊會給欺騙 仇人亦會被懷念
來天再有夜宴 定寬恕你漸老的臉

告別了~~嘉芺蓮....

係今日中午一點鐘,從阿孖口中知道嘉芺蓮已經離開o左我地.....大家比想像中平靜!可能知道嘉芺蓮已經捱o左太耐,佢o既離開,係一種解脫...希望佢可以安息,回歸平靜...願主保守同祝福佢o既屋企人同朋友....

心情不太好......因為知道有可能要調入去....放工之後同班姊妹去o左蘭香園飲下午茶....不禁提起前途問題!佢地都覺得我調入去跟排骨好過跟阿孖...有機會升職加薪而且有發展...我知..但係裡面唔掂...又有"I"記睇實!之後同瑪基傾o左好耐電話.....突然想起星期日仲明講o既道.....要似一隻鷹重新,活多三十年!開始清醒o左o的.....我唔可以再拒絕成長...棉花糖要學識長大.....棉花糖從成長中難免要學會失望 (笑忘書).......不過最唔捨得係一班姊妹...都係燒到 o黎先算啦!

感謝瑪基....成日係我唔清醒o既時候比o左好多意見...衷心感激!!!!!

忙碌的一天

今日好忙!自從o的個星期開始比排骨調o左入去做report之後,真係一頭煙!不禁覺得阿孖o個邊係天堂!起碼有小娟同ring ring一班好姊妹.....我向阿孖求救,佢都無能為力...無得保釋,拘留一星期.....真係驚要長期拘留!?

知道嘉芺蓮o既情況好差,可能會隨時離開.......o個心好酸!尋晚一班多年o既好姊妹去醫院探佢,個個都傷心流淚.....見到ring ring今朝眼都紅曬!聽聞阿媽係最堅強o個個...聽醫生講其實嘉芺蓮已經好叻女捱o左o今耐....不禁問人生究竟為咩!?人生苦短!?要好好珍惜身邊所有o既o野...因為你唔知道幾時會失去.......(家人,朋友,愛人,健康,財富,權力...)

感謝媽咪煮o左一碟好美味o既生炒排骨.....今日唯一最大的安慰........

好友結婚了

我好朋友終於結婚啦~07年２月呀!我係佢伴娘，見到佢同老公仔好幸福！我就o念點樣先可以同一個人一生一世呢!有時好想搵到o的o個人出o黎!但係佢無出現到......有時又好享往而家無王管o既生活!或者未係時候.....神呀!求您保守我o既戀愛運啦!


加油呀!*貝拉夫人&龍爺*

失落於電梯中

我都係第一次寫blog!!其實都唔知講咩好!?最近有o的唔開心........又係因為佢......其實我應該放低佢~但當我開始忘記佢...又會比我係電梯見到佢!!有無試過一提起一個人o既時候,佢會令你血脈肺騰,不知所措, 手心出汗.......我相信你已經完完全全鍾意佢啦!感覺好強烈!好似飲到好醉!....好想自己當件事無發生過........我o念我係愛情o既世界裡面做o左一隻烏龜....又慢又怕事........永遠活係自己o既龜殼裡面.....唔面對現實！可憐蟲！祝福你永遠幸福快樂.....

我聽過一個日劇故事,係講一個女仔好想忘記佢剛剛分手o既男朋友!決定如果佢o個日無o念起o個男仔o既話,就係日曆上打個交叉!結果一個月之後,日曆上面全部都係一個個交叉!佢真係傻,其實當佢每日係日曆上打交叉o既時侯....就代表佢又o念起佢o羅!